બોલિવૂડ અભિનેત્રી અનુષ્કા શર્મા પુત્રી વામિકાને જન્મ આપ્યા બાદ બ્રેક પર છે. તે થોડા સમય પછી ફરીથી ફિલ્મોમાં ચમકશે . અનુષ્કા હાલમાં પતિ વિરાટ કોહલી અને પુત્રી વામિકા સાથે ઈંગ્લેન્ડમાં છે. વિરાટ કોહલી વર્લ્ડ ટેસ્ટ ચેમ્પિયનશિપની ફાઇનલ માટે ઇંગ્લેન્ડ પહોંચી ગયો છે. અનુષ્કા છેલ્લા કેટલાક સમયથી ત્યાંથી કેટલીક તસવીરો શેર કરી રહી છે.
અનુષ્કા શર્મા અને વિરાટ કોહલી અવારનવાર એક યા બીજા કારણસર ચર્ચામાં રહે છે. ક્યારેક તેઓ તેમની પુત્રી સાથે અને ક્યારેક તેમની વાયરલ તસવીરો સાથે જોવા મળે છે. આ સિવાય વિરાટ અને અનુષ્કા પણ તેમના ઉમદા કાર્યોને કારણે ચર્ચામાં રહે છે. ભૂતકાળમાં, તેમણે ગંભીર બીમારીથી પીડાતા બાળકને મદદ કરવા માટે 16 કરોડ રૂપિયાની વ્યવસ્થા કરી હતી. હવે ફરી એકવાર વિરાટ અનુષ્કાની લંચ ડેટની તસવીર ખૂબ વાયરલ થઈ રહી છે.
તસવીરમાં બંને ખૂબ ખુશ દેખાઈ રહ્યા છે. એક તરફ જ્યાં વિરાટ સેલ્ફી લેતો જોવા મળે છે, ત્યાં તેની બાજુમાં બેઠેલી અનુષ્કાના ચહેરા પર શાનદાર સ્મિત છે. આ સુંદર તસવીર વિરાટે તેની ઇન્સ્ટાગ્રામ સ્ટોરી પર શેર કરી છે.
આ દરમિયાન, તે હેલ્ધી ફૂડ લેતો જોઇ શકાય છે. વિરાટે ચણાનો સલાડ Chickpea Salad મંગાવ્યો છે.
વિરાટે ગ્રે કલરની ટીશર્ટ અને ગોલ્ડન ઘડિયાળ પહેરી છે. વિરાટની ઘડિયાળ પણ લોકોનું ધ્યાન ખેંચી રહી છે. જ્યારે અનુષ્કા બ્લેક સ્વેટરમાં જોવા મળી રહી છે. તેના ગળામાં ચેન છે અને તેનું પ્રિય લોકેટ છે. નોંધનીય છે કે તેની પુત્રી વામિકા વિરાટ-અનુષ્કા સાથે ક્યાંય જોવા મળી ન હતી.
