રાજ્યભરમાં ફરી એકવાર મેઘમહેર થવા જઈ રહી છે. બીજા રાઉન્ડમાં સમગ્ર ગુજરાતમાં વરસાદની સંભાવના છે. તેમાં સૌરાષ્ટ્ર-કચ્છની સાથે ઉત્તર ગુજરાત, દક્ષિણ ગુજરાત, મધ્ય ગુજરાતનો સમાવેશ થાય છે.
જેમાં દક્ષિણ ગુજરાત અને ઉત્તર ગુજરાતના કેટલાક વિસ્તારોમાં ભારે વરસાદની આગાહી કરવામાં આવી રહી છે. હવામાનની આગાહી કરનાર અંબાલાલ પટેલે પણ 4 ઓગસ્ટ પછી ભારે વરસાદની આગાહી કરી છે. અમદાવાદમાં રવિવારે વધુ એક ભારેથી અતિ ભારે વરસાદની શક્યતા છે.
વડોદરા સહિત ઉત્તર ગુજરાતમાં આજે રાજ્યના છોટા ઉદેપુર અને નર્મદા જિલ્લામાં ભારે વરસાદની સંભાવના છે. રાજ્યમાં ગયા મહિને ભારે વરસાદ પડ્યા બાદ મેઘરાજાએ વિરામ લીધો હતો, પરંતુ આગામી દિવસોમાં ફરી ભારેથી અતિભારે વરસાદની સંભાવના છે.
આગામી ત્રણ દિવસ ભારે વરસાદ પડશે
5-7 ઓગસ્ટ દરમિયાન દક્ષિણ, ઉત્તર અને મધ્ય ગુજરાતમાં ભારે વરસાદની શક્યતા છે. તેમાં સાબરકાંઠા, અરવલ્લી, સુરત, તાપી, નવસારી, વલસાડ, મહિસાગર, પંચમહાલ, દાહોદ, છોટા ઉદેપુર, ડાંગ અને દાહોદનો સમાવેશ થાય છે. આ ઉપરાંત દમણ અને દાદરા નગર હવેલીમાં પણ ભારે વરસાદ પડી શકે છે.
સૌરાષ્ટ્રમાં ભારે વરસાદની શક્યતા
સમગ્ર સૌરાષ્ટ્રમાં પણ હળવાથી ભારે વરસાદની આગાહી કરવામાં આવી છે. એક ખાનગી હવામાન વેબસાઈટ અનુસાર શુક્રવારે રાજકોટ, જસદણ, ગોંડલ, બોટાદ, ભાવનગર, જૂનાગઢમાં ભારેથી અતિભારે વરસાદ પડી શકે છે.
