2021નું વર્ષ શેરબજારમાં નવા રેકોર્ડવાળુ રહ્યું અને તેની સાથે સાથે ઘણું જ વોલેટાઈલ પણ રહ્યું છે. હવે નવા વર્ષમાં શેરબજાર કેવું રહેશે તેના પર રોકાણકારોની નજર રહેલી છે. આગામી વર્ષમાં કયા સેક્ટર રોકાણ માટે સારા રહેશે તે અંગે એક્યુએફ એડવાઈઝર્સના કો-ફાઉન્ડર નીતિન રાહેજાએ જણાવ્યું હતું.
આઈટી સેક્ટર અંગે તેમણે જણાવ્યું હતું કે, આપણે આને બે રીતે જોઈએ. સંપૂર્ણ મૂળભૂત પરિપ્રેક્ષ્યમાં IT કદાચ 2000 પછીના શ્રેષ્ઠ તબક્કાને જોઈ રહ્યું છે. તેઓ બિઝનેસ અને ઓર્ડર બૂકમાં જે પ્રકારની વિઝિબિલિટી જોઈ રહ્યા છે અને આ સમગ્ર હિલચાલને કારણે ક્લાઉડમાં ડિજિટાઇઝેશન એકદમ અભૂતપૂર્વ રહ્યું છે. તે જોતા આગામી કેટલાક વર્ષોમાં આઈટીમાં ગ્રોથનો તબક્કો જોવા મળશે.
હવે વેલ્યુએશનની દ્રષ્ટિએ, રનનો પહેલો લેગ થઈ ચૂક્યો હતો. આમાંની ઘણી કંપનીઓ વેલ્યુએશનના સંદર્ભમાં તેમની દાયકાની ટોચની નજીક ટ્રેડ કરી રહી હતી. નજીકના ભવિષ્યમાં, બિઝનેસના ફંડામેન્ટલ મજબૂત હોવાની સાથે સાથે રૂપિયાના અવમૂલ્યનના સમગ્ર એન્ગલ સાથે આઈટી નીચામાં ખરીદી કરવા જેવી વાત બની રહેશે.
2022માં બાય, સેલ અને હોલ્ડ અંગે તેમનો મત જણાવતા તેમણે કહ્યું હતું કે, અમે સમગ્ર ફાઈનાન્સિયલ પેક પર ખૂબ-ખૂબ હકારાત્મક છીએ. તે એક મોટો અંડરપર્ફોર્મર રહ્યો છે, જેનું નેતૃત્વ ઘણાં ટેકનિકલ પરિબળો દ્વારા કરવામાં આવ્યું છે.
હાલમાં સરકાર દ્વારા ઈન્ફ્રાસ્ટ્રક્ચર પર ભાર મૂકવામાં આવ્યો છે અને તેથી અમારા મતે ઈન્ફ્રાસ્ટ્રક્ચર પેક આનો ફાયદો ઉઠાવી શકવા માટે યોગ્ય છે. અમને લાગે છે કે ITનો પેરિફેરલ ગ્રોથ ઘટવો જોઈએ. હાલમાં જે પ્રકારે હાયરિંગ થઈ રહ્યું છે, જે પ્રકારે પગાર આપવામાં આવી રહ્યો છે, તે પ્રમાણે કન્ઝપ્શન ફરીથી વધશે. ભલે તે પછી રિયલ એસ્ટેટના રૂપમાં હોય કે પછી રિટેલના રૂપમાં હોય કે પછી મોર્ગેજ ફાઈનાન્સના રૂપમાં પણ હોઈ શકે છે.
