શિલ્પાએ શેટ્ટીના પતિ બિઝનેસમેન રાજ કુન્દ્રા અત્યારે કસ્ટડીમાં છે. તેમના પર poર્ન ફિલ્મો બનાવવા અને તેને એપ પર અપલોડ કરવાનો આરોપ છે. મુંબઈ પોલીસની ક્રાઈમ બ્રાન્ચ રાજ કુન્દ્રાના બેંક ખાતા પર પણ ચાંપતી નજર રાખી રહી છે. પોલીસનો દાવો છે કે રાજ કુન્દ્રાએ પોર્ન ફિલ્મ રેકેટમાંથી કરોડોની કમાણી કરી છે. આ કેસ સાથે જોડાયેલા લોકોને પોલીસ પૂછપરછ માટે બોલાવી રહી છે, એવામાં મોડલ અને અભિનેત્રી, સાગરિકા સુમને એક નિવેદન જારી કરીને આ અશ્લીલ ફિલ્મોમાં કામ કરનારા કલાકારોની કમાણીને લઈને પણ ચોંકાવનારો ખુલાસો કર્યો છે.
સાગરિકાનો દાવો છે કે જે નંદિતા દત્તા ઉર્ફ નેન્સી ભાભીની પોલીસે કોલકાતામાં કેટલાક દિવસો પહેલા ધરપકડ કરી છે, એ દર મહિને આ ફિલ્મોથી 30-35 લાખની કમાણી કરી રહી હતી. સાગરિકાએ એમ પણ કહ્યું કે પોર્ન વીડિયોઝથી લઈને ઓનલાઇન સ્ટ્રીમ થતા શો અને વિડીયો ક્લિપ્સ દ્વારા નંદિતા દત્તાએ એક વર્ષમાં 5 કરોડ રૂપિયા સુધીની કમાણી કરી છે.
સાગરિકાએ આગળ કહ્યું કે નંદિતા દત્તા, ટીના નંદી, ઝોયા રાઠોડ જેવી બધી જ અભિનેત્રીઓ આ અશ્લીલ ફિલ્મો દ્વારા લાખો રૂપિયા કમાતી હતી. આ બધાની જ કમાણી વાર્ષિક 2-5 કરોડ રૂપિયા હતી. સાગરિકાએ પોલીસને અપીલ કરી છે કે આ અભિનેત્રીઓને પીડિતા સમજવાની ભૂલ ન કરે.
અભિનેત્રીએ પોતાના નિવેદનમાં કહ્યું કે ગયા 2-3 વર્ષમાં આ અભિનેત્રીઓએ સેંકડો પોર્ન ફિલ્મોમાં કામ કર્યું છે, જે અલગ-અલગ ઓટીટી એપ પર રિલીઝ થઇ છે. જયારે લોકડાઉનમાં બધાનું કામ બંધ હતું ત્યારે પણ પોર્ન ફિલ્મોનું આ બજાર ધમધમાઈને ચાલી રહ્યું હતું. સાગરિકાએ કહ્યું એ પોર્નસ્ટાર છે, આ લોકોએ દર મહિને 15-20 લાખ રૂપિયાની કમાણી કરી છે. ટીના નંદી અને સોનિયા માહેશ્વરી જેવી અભિનેત્રીઓ 6 કલાકના શૂટિંગ માટે 60-90 હજાર રૂપિયા ચાર્જ કરે છે. આ શૂટિંગ દરમ્યાન સેક્સસીન પણ શૂટ થાય છે.
સાગરિકાએ એમ પણ કહ્યું કે આ અભિનેત્રીઓની કમાણી માત્ર પોર્ન ફિલ્મો જ ન હતી, પણ તેઓ જુદી-જુદી ઓટીટી એપ પર લાઈવ સ્ટ્રીમિંગ શો પણ કરતી હતી. પ્રાઇવેટ ઓનલાઇન સેક્સ શો થતા અને એના માટે યુઝર્સ સબ્સ્ક્રિપશન પણ લેતા હતા. જણાવી દઈએ કે સાગરિકા સુમન એ લોકોમાંથી છે કે જેમને રાજ કુન્દ્રા પર પોર્ન ફિલ્મોને લઈને ચોંકાવનારા આરોપો લગાવ્યા હતા.
