પતિ-પત્નીના સંબંધમાં ‘ત્રીજા’ વ્યક્તિના પ્રવેશ પર સંબંધોમાં તિરાડ આવે છે. પરંતુ એક પત્ની પોતે જ તેના પતિના ‘સુખ’ માટે બીજી સ્ત્રીને સંબંધમાં લાવી છે. આ પત્નીની કહાની સોશિયલ મીડિયા પર ચર્ચામાં છે. તેણે જાહેરાત દ્વારા તેના પતિ માટે 3 ગર્લફ્રેન્ડ શોધવાની જાહેરાત કરી હતી. અત્યારે તો તેણે ગર્લફ્રેન્ડની ભરતી કરી છે. હાલમાં 2 જગ્યાઓ ખાલી છે.
44 વર્ષીય પથિમાએ એક જાહેરાત બહાર પાડી હતી અને જાહેરાત કરી હતી કે તે એવી મહિલાઓની શોધમાં છે જે તેના પતિને ખુશ રાખી શકે અને તેના કામમાં મદદ કરી શકે. તેના બદલામાં ગર્લફ્રેન્ડને દર મહિને 32 હજાર રૂપિયાનો પગાર મળશે.
થાઈગરના રિપોર્ટ અનુસાર, પથિમાએ ટિકટોક પર એક વીડિયો જાહેર કરીને આ વિશે જણાવ્યું છે. અગાઉ તેના વીડિયોમાં પથિમાએ કહ્યું હતું કે તે ત્રણ મહિલાઓની શોધમાં છે, જે તેના પતિ, બાળકો અને ઘરની સંભાળ રાખી શકે.
પથિમાએ કહ્યું હતું કે અરજી કરનાર મહિલાઓનો HIV ટેસ્ટ જરૂરી રહેશે. તેમની ઉંમર 30-35 વર્ષની વચ્ચે હોવી જોઈએ અને તેમની પાસે હાઈસ્કૂલ અથવા સ્નાતકની ડિગ્રી હોવી જોઈએ. મહિલાઓનું રહેવા-જમવાનું પણ ફ્રી રહેશે. આ વિચિત્ર ‘નોકરી’ ઓફર કરતી પથિમાનો વીડિયો થાઈ સોશિયલ મીડિયા પર વાયરલ થયો છે.
પતિને તેની પહેલી ગર્લફ્રેન્ડ મળી
પથિમા કહે છે કે તે ડિપ્રેશન સામે લડી રહી છે અને તેના પતિને ખુશ રાખી શકતી નથી. વીડિયોમાં પથિમા કહે છે કે તેના પરિવારમાં હવે તેના પતિની સાથે ‘નાની પત્ની’નો સમાવેશ થશે. અમે એક જ ઘરમાં સાથે રહીશું, સાથે ખાઈશું અને એકબીજાની સંભાળ રાખીશું.
પથિમા વધુમાં કહે છે કે હું ખાતરી આપું છું કે અમારી વચ્ચે કોઈ લડાઈ નહીં થાય. હું મારા પતિને તે પસંદ કરવાની સ્વતંત્રતા આપીશ કે તે કોની સાથે સૂવા કે રહેવા માંગે છે.
પથિમાએ દાવો કર્યો હતો કે તે તેના પતિ માટે અન્ય મહિલાઓને નોકરી પર રાખવા માટે ગંભીર છે. તેણે જણાવ્યું કે તે સ્વાસ્થ્ય સમસ્યામાંથી પસાર થઈ રહી છે. તેણે રોજ ઊંઘની ગોળીઓ લેવી પડે છે અને વહેલા સૂવું પડે છે. તે સામાન્ય પત્નીની જેમ પતિની સંભાળ રાખી શકતી નથી.
જોકે, સોશિયલ મીડિયા પર ઘણા યુઝર્સે તેને પથિમાની પ્રસિદ્ધિનો સ્ટંટ ગણાવ્યો છે, જ્યારે કેટલાક યુઝર્સે તેને મનોરંજન માટે બનાવેલો વીડિયો ગણાવ્યો છે. પરંતુ પથિમા તેને ગંભીર બાબત કહી રહી છે.
