ન્યૂયોર્કની મોડલ મોરિયા મિલ્સ ખુબ જ સુંદર છે અને પોતાની મોડેલિંગ કરિયરમાં ખુબ સફળ પણ છે પરંતુ આમ છતાં તેની એક વિચિત્ર સમસ્યા છે. કોઈ પણ યુવતી તેની સાથે મિત્રતા રાખવા માંગતી નથી. આથી તેના મિત્ર વર્તુળમાં ફક્ત યુવકો જ સામેલ છે. તેના મિત્રોમાંથી એક પણ યુવતી નથી. તેણે આ વિશે જે કારણ જણાવ્યું તે જાણીને તમે છક થઈ જશો.
આ કારણથી યુવતીઓ દૂર ભાગે છે
મોડલ મોરિયા મિલ્સ કહે છે કે યુવતીઓ તેની સાથે દોસ્તી કરવા માંગતી નથી કારણ કે તે એટલી સુંદર છે કે છોકરીઓ તેની સાથે દોસ્તી કરતા ડરે છે.
ડર પાછળ આ કારણ
ધ સનના રિપોર્ટ મુજબ 27 વર્ષની મોડલ મોરિયા કહે છે કે યુવતીઓ તેની સાથે એટલા માટે મિત્રતા રાખતી નથી કારણ કે તેમના પાર્ટનર તેની સાથે ડેટ કરવા માંગે છે. યુવતીઓને હંમેશા એવી રીતે ડરાવવામાં આવે છે કે મારી સાથે મિત્રતા કરશે તો તેઓ પોતાના પાર્ટનર ગુમાવી દેશે.
મને એકલા રહેવું પસંદ છે
તે કહે છે કે આવું હંમેશાથી છે. હું મારામાં જ ખુશ રહુ છું. હું લોકો પર ભરોસો કરી શકતી નથી. મને એ વાતની ચિંતા નથી કે મારી કોઈ બેસ્ટ ફ્રેન્ડ નથી. હું ફક્ત મારી જાતને જ પ્રેમ કરું છું.
મોરિયાના ઈન્સ્ટાગ્રામ પર 100k ફોલોઅર્સ છે. પોતાના જીવન વિશે જણાવતા તેણે પોતાના ફોલોઅર્સને કહ્યું કે યુવતીઓના પતિ અને બોયફ્રેન્ડ મને ઈચ્છે છે. હું ખુબ સારી છું પરંતુ કદાચ તેમને લાગે છે કે હું ઘમંડી છું અને આવું તેમને મારી સુંદરતાના કારણે લાગે છે. જ્યારે અસલમાં હું ખુબ વિનમ્ર અને જમીન સાથે જોડાયેલી છું.
શાળાના દિવસોમાં ખુબ જ શરમાળ રહેતી મોરિયા હંમેશા પોતાના સુધી જ સિમિત રહી. જો કે હવે તે લોકો પર ભરોસો કરવાનું શીખી રહી છે આથી તેને આશા છે કે તેના મિત્રો બનશે. મોરિયા મોડલિંગ કરવા ઉપરાંત ગાય પણ છે. તે રેપ સોંગ પણ ગાય છે. જ્યાં સુધી વાત સમય વિતાવવાની છે તો તેની પાસે યુવકોના પ્રસ્તાવોની કોઈ કમી નથી. તે કહે છે કે હું એકલી છું પરંતુ ખુશ છું. મારી પાસે પુરુષ પ્રશંસકોની કોઈ કમી નથી. (તમામ ફોટા- ધ સન)
