ગુજરાતના આ ડૉક્ટરો બાળકીના જન્મ પર માતા-પિતાને કરે છે મદદ

Uncategorized

દિવાળી પ્રકાશનું પર્વ છે, જેમાં અલગ-અલગ દિવસો પ્રમાણે ઉજવણી કરવામાં આવે છે. જેમાં એક દિવસ લક્ષ્મીપૂજન પણ કરાય છે- જેમાં પરિવાર દ્વારા લક્ષ્મીજી સુખ-સંપત્તિ આપે તેવી મનોકામના કરવામાં આવે છે. ડૉક્ટર અને પરોપકારી વ્યક્તિ આ દરમિયાન કરાતી ઉજવણીમાં એક ડગલું આગળ છે. તેઓ આ દરમિયાન જન્મેલી છોકરીઓને ‘લક્ષ્મી’ તરીકે જુએ છે અને આ શબ્દોની ગુજરાતીમાં અનેકવાર પ્રયોગ થતો આવ્યો છે.

આ દરમિયાન ઘણી હોસ્પિટલો પરિવારમાં પહેલી છોકરીનો જન્મ થાય તો સી-સેક્શન કન્સલ્ટન્સી ચાર્જ જતો કરે છે, તો ઘણાં પરોપકારી ડૉક્ટર અને હોસ્પિટલો આર્થિક રીતે નબળા બાળકોના માતા-પિતાને હોસ્પિટલના ખર્ચમાં છૂટ આપે છે. અમદાવાદ જિલ્લામાં છોકરાઓની સરખામણીમાં છોકરીઓની સંખ્યા ઓછી છે, આ ઘટાડો દુર કરવા માટે પરિવારોને પ્રોત્સાહિત કરાય છે.

2011ની વસ્તી ગણતરી પ્રમાણે ગુજરાતમાં 1000 છોકરાઓની સામે છોકરીઓની સંખ્યા 919 છે, જ્યારે બાળ સેક્સ રેસીયો (0-6 વર્ષ) 890થી પણ ઓછો હતો. આ આંકડો મહારાષ્ટ્ર જિલ્લામાં 842 જ છે. આ કારણે મહેસાણાના ગાયનેકોલોજીસ્ટ ડૉક્ટર તેજસ પ્રજાપતિએ મહત્વનું પગલું ભર્યું, સમાજમાં છોકરીઓની સંખ્યા ઘટતી જોઈને તેમણે પ્રજાપતિ ચુવાળ 42 સમાજમાં સી-સેક્શનનો ખર્ચ માફ કરવાનો નિર્ણય લીધો. નવા માતા-પિતા માટે છોકરી માટે કંઈક બચત કરવા માટે તે બૂસ્ટર સાબિત થયું.

ડૉ. તેજસ પ્રજાપતિ જણાવે છે કે, “અમે કરેલા નિર્ણયને એક દાયકો પૂર્ણ થયો છે. મેડિકલ ફીના 40,000 અમે માફ કરીએ છીએ, જેથી તેનો ઉપયોગ માતા-પિતા બાળકીના અભ્યાસ પાછળ કરી શકે.” તેઓ જણાવે છે કે, “પાછલા કેટલાક વર્ષોથી સમુહ લગ્નને પણ પ્રોત્સાહન આપ્યું છે, જ્યાં યુગલોને પ્રાધાન્ય મળે છે.”

આમ મેમનગરના બાળકોના ડૉક્ટર જયુલ કામદાર જો પહેલો બાળકીનો જન્મ હોય તો OPD ફી લેતા નથી. ડૉ. જયુલ જણાવે છે કે, “અમે પાછલા બે વર્ષથી માતા-પિતાને પ્રોત્સાહિત કરી રહ્યા છીએ, જેથી કરીને છોકરા-છોકરી વચ્ચેનો ભેદ દૂર થાય.”

જ્યારે શહેરની કેટલીક હોસ્પિટલોમાં બાળકીનો જન્મ થાય તો ચાંદીનો સિક્કો આપવામાં આવે છે. જ્યારે કેટલાક મોહન પટેલ જેવા પરોપકારી ડૉક્ટર પુરસ્કાર આપીને સન્માનિત કરે છે. આણંદની ખાનગી હોસ્પિટલ જણાવે છે કે “અમે વર્ષ 2008માં 1000 રૂપિયા ભેટમાં આપવાની શરુઆત કરી હતી જે રકમ અત્યાર સુધીમાં 11,610 માતા-પિતાને આપી છે. પાછલા કેટલાક વર્ષોથી 1 ઓગસ્ટના રોજ અમે ડૉક્ટર મોહનભાઈ પટેલના જન્મદિવસ પર 5000 રૂપિયાની ભેટ આપીએ છીએ, આ ભેટ 2021 સુધીમાં 1610 વાલીઓને આપવામાં આવી છે.

નડિયાદના એનેસ્થેટિસ્ટ ડૉક્ટર મિતેષ શાહ બાળકીને જન્મ આપનારા માતા-પિતાને 100 રૂપિયાની મદદ કરે છે. તેઓ કહે છે કે, “આ રકમ ઘણી જ નાની છે, તેને પુરસ્કાર તરીકે ના જોઈ શકાય. પરંતુ આ રકમથી બાળકીને જન્મ આપનારી માતા શરુઆતના ગાળામાં ન્યુટ્રિશિયન મેળવી શકે છે. મારું પ્રાથમિક કામ ચેરિટેબલ હોસ્પિટલ સાથે છે જ્યાં માતા-પિતા સમાજના નીચલા વર્ગમાંથી આવે છે.”

ડૉક્ટર મહાદેવ લોહાણા, અમદાવાદના સિંધુ સેવા સમાજ સાથે સંકળાયેલા છે, જેઓ સી-સેક્શન કે સામાન્ય ડિલિવરી માટે રૂપિયા લેતા નથી. ડૉક્ટર લોહાણા જણાવે છે કે, “જ્યારે એવું ધ્યાનમાં આવ્યું કે છોકરા કરતા છોકરીને સાંપના ભારા તરીકે જુએ છે ત્યારથી આ સેવા કાર્યની શરુઆત કરી છે. અમે આ તસવીર બદલવા માગીએ છીએ અને લક્ષ્મીનું સ્વાગત કરીને ઉજવણી કરવા માગીએ છીએ.” ડૉક્ટર લોહાણા હાલમાં જ કચ્છમાં સ્થાઈ થયા છે અને અહીં પણ તેઓ પોતાનું સેવા કાર્ય ચાલુ રાખશે તેમ જણાવે છે.

Leave a Reply

Your email address will not be published. Required fields are marked *