દર વર્ષની જેમ આ વર્ષે પણ ધનતેરસના તહેવાર પર ખરીદી કરવામાં આવશે. આ દિવસનું વિશેષ મહત્વ છે, કારણ કે આ દિવસે ખરીદી કરવી ખૂબ જ શુભ માનવામાં આવે છે. એવું માનવામાં આવે છે કે આ દિવસે મા લક્ષ્મી તેમના ભક્તોના ઘરે આવે છે, અને તેમના પર આશીર્વાદ વરસાવે છે.
ધનતેરસના અવસર પર લોકો ખૂબ જ ખુશ થાય છે, અને ઘર માટે ખરીદી કરે છે. કેટલાક તેમની જરૂરિયાતની વસ્તુઓ ખરીદે છે, જ્યારે બીજા લોકો દિવાળી માટે સામાન ખરીદે છે. સાથે જ આ દિવસે વાસણો ખરીદવાની પણ માન્યતા છે. પરંતુ આ બધા સિવાય પણ કેટલીક એવી વસ્તુઓ છે જેને ધનતેરસના દિવસે ખરીદવી ખૂબ જ શુભ માનવામાં આવે છે અને તેનાથી ઘણા ફાયદા પણ થાય છે. તો ચાલો જાણીએ એ વસ્તુઓ વિશે.
ધનતેરસના દિવસે આ વસ્તુઓ ખરીદો
સોનું અને ચાંદી ખરીદો
ધનતેરસના દિવસે સોનું અને ચાંદી ખરીદવું ખૂબ જ શુભ માનવામાં આવે છે. તમે તેને તમારી ક્ષમતા અને જરૂરિયાત મુજબ ખરીદી શકો છો. આમ કરવું ખૂબ જ શુભ માનવામાં આવે છે.
નાની ચમચી
જો તમે ઈચ્છો છો અથવા જો તમે સોના-ચાંદી જેવી વસ્તુઓ ખરીદી શકતા નથી, તો તમે એક નાની ચમચી ખરીદો. આ પછી તેને રોજ તમારી પૂજામાં સામેલ કરો. આમ કરવાથી તમને ઘણો ફાયદો થશે.
સોળ શ્રુંગારની ભેટ
ધનતેરસના દિવસે સોળ શ્રુંગારની વસ્તુઓ ખરીદી લેવી જોઇએ કારણ કે આવું કરવું ખૂબ જ શુભ માનવામાં આવે છે. લાલ રંગની સાડી અને સિંદૂર ખરીદવાને શુભ માનવામા આવે છે.
સાવરણી
ધનતેરસના દિવસે ભલે ઘણી વસ્તુઓ ખરીદતા હોવ પણ તમારે સાવરણી તો ખરીદવી જ જોઈએ. સાવરણી ખરીદવાનો અર્થ છે તમારા ઘરમાંથી ગરીબી દૂર કરવી. તેથી ધનતેરસના દિવસે આ કરવું ખૂબ જ શુભ માનવામાં આવે છે.
લાલ કોડી
કોડીને માતા લક્ષ્મીનું પ્રતિક માનવામાં આવે છે. ધનતેરસે તમે સોપારીની પૂજા તો કરતા જ હશો આની સાથે તમે કોડીને ખરીદી તેની પૂજા કરશો તો આખુ વર્ષ તમારા પર માતા લક્ષ્મીના ચાર હાથ રહેશે.
