બે વર્ષમાં 35 પૈસાનો શેર 150 રુપિયાનો થયો, ₹1000 રોક્યા હોય તો સીધા 4.28 લાખ

share market

શેર માર્કેટમાં આવેલી અભૂતપૂર્વ તેજીમાં ફન્ડામેન્ટલ બાજુ પર રહી ગયું અને અનેક કંપનીઓના વેલ્યૂએશન તળિયે હોવા છતાં ભાવ આસમાને પહોંચી ગયા છે. ફ્લોમિક ગ્લોબલ લોજિસ્ટિક્સ નામની કંપની નામ ઘણાં ખરા માટે સાવ અજાણ્યું હશે પરંતુ આ કંપનીના શેરનો ભાવ છેલ્લા અઢી વર્ષમાં 43000 ટકા ઉછળી ગયો છે.

આ શેરનો ભાવ 28 માર્ચ 2019ના દિવસે ફક્ત 35 પૈસા હતો. જે અત્યારે રુ. 150ને પાર કરી ગયો છે. મંગળવારે પણ તેમાં પાંચ ટકાની ઉપલી સર્કિટ લાગી હતી. અને રુ. 157.90 પર બંધ થયો હતો. એક વર્ષ પહેલા એટલે કે 18 નવેમ્બર 2020ના રોજ આ શેરનો ભાવ રુ. 1.30 હતો. આમ એક જ વર્ષમાં આ શેરમાં રોકાણરાકોને 12000 ટકાથી પણ વધુ માતબર વળતર મળ્યું છે.

ફ્લોમિક ગ્લોબલ લોજિસ્ટિક્સનું માર્કેટ કેપ રુ.113 કરોડ છે. આ વર્ષે જાન્યુઆરીથી અત્યાર સુધીમાં જ આ શેરમાં 7777 ટકાનું જંગી વળતર રોકાણકારોને મળી ચક્યું છે. ફ્લોમિક ગ્લોબલનો શેર 28 ઓક્ટોબર 2021ના રોજ રુ. 216 પર પહોંચી ગયો હતો.

જે તના 52 સપ્તાહની સૌથી ઉંચી ટોચ છે. 13 નવેમ્બર 2020ના રોજ આ શેરમાં તેના 52 સપ્તાહનો સૌથી નીચો ભાવ રુ. 1.22 હતો. આમ 52 સપ્તાહનો હાઈ બનાવ્યા બાદ આ શેરમાં 30 ટકાનું કરેક્શન પણ આવી ગયું છે.

આ કંપનીમાં બે પ્રમોટરો 27.49 ટકા ભાગ ધરાવે છે જ્યારે પબ્લિક પાસે 72.51 ટકા શેર છ. કુલ 536 શેર હોલ્ડર્સ આ કંપનીના 52.20 લાખ શેર ધરાવે છે. આ પૈકી 488 શેરહોલ્ડર્સ પાસે ટોટલ શેર પૈકી માત્ર 2.03 ટકા શેર છે. જ્યારે માત્ર 38 ટકા શેર હોલ્ડર્સ પાસે 2.03 ટકા શેર છે.

માત્ર 38 શેરહોલ્ડર્સ પાસે 49.54 ટકા શેર છે. વિદશી રોકાણકારોના પોર્ટફોલિયોમાં આ શેર નથી. ફ્લોમિક ગ્લોબલ લોજિસ્ટિક પોતાના નામ મુજબ જ લોજિસ્ટિક્સના બિઝનેસમાં છે. કંપની વેરહાઉસિંગ, ડિસ્ટ્રિબ્યુશન ફ્રેઇટ ફોરવર્ડિંગ, કસ્ટમ બ્રકિંગ, કાર્ગો, કોન્સોલિડેશન, મલ્ટિમોડલ ટ્રાન્સપોર્ટેશન અને કંટ્રી ટ્રેડ સર્વિસિઝ પ્રોવાઈડ કરે છે.

કંપનીની નાણાકીય કામગીરી જોઈએ તો સપ્ટેમ્બરના ક્વાર્ટરમાં તેનો નેટ પ્રોફિટ 17.65 ટકા ઘટ્યો હતો. તેનો નેટ પ્રોફિટ માત્ર રુ. 70 લાખ હતો. ગત વર્ષે આ સમયગાળામાં તેનો નેટ પ્રોફિટ રુ. 85 લાખ હતો. જોકે તેનું વેચાણ 100 વધીને રુ. 80.44 કરોડ થયું હતું. જે ગત વર્ષના આ સમયગાળામાં રુ. 40.08 કરોડ જેટલું જ હતું. વાર્ષિક ધોરણે જોઈએ તો માર્ચ 2021ના અંતે પૂરા થતાં નાણાકીય વર્ષમાં તેનો નેટ પ્રોફિટ વધીને 2.47 કરોડ થયો હતો. અગાઉના વર્ષે તેણે 0.05 કરોડની ખોટ દર્શાવી હતી. કંપનીની ઈક્વિટી કેપિટલ રુ. 18.17 કરકોડની છે. અને તેના શેરની ફેસ વેલ્યુ રુ. 10 છે.

Leave a Reply

Your email address will not be published. Required fields are marked *