બિહારના પટનામાં એક મહિલાએ રાત્રે સૂતી વખતે પતિનુ પ્રાઈવેટ પાર્ટ કાપી નાખ્યુ હતુ. અચાનક થયેલા હુમલાને કારણે પતિ કંઈ સમજી શક્યો નહીં. જ્યારે તેણે આંખો ખોલી ત્યારે તેણે જોયું કે તેની પત્નીના હાથમાં છરી છે. પોતાનો બચાવ કરતા તેણે પત્ની પર હુમલો કર્યો, પરંતુ પોતાની હાલત બગડતી જોઈને પતિ ઘર છોડીને ભાગી ગયો અને પોલીસ સ્ટેશન પહોંચ્યો. ઘાયલ પતિને હોસ્પિટલમાં દાખલ કરવામાં આવતા પોલીસે આ મામલાની તપાસ શરૂ કરી છે.
પતિ અને પત્ની વચ્ચે વિવાદનો એક ખૂબ જ આશ્ચર્યજનક કિસ્સો પટનાની ફુલવારી શરીફથી પ્રકાશમાં આવ્યો છે. અલાવ કોલોનીના રહેવાસી વ્યક્તિએ આરોપ લગાવ્યો કે પત્નીએ તેના પર છરી વડે હુમલો કર્યો અને તેનું પ્રાઈવેટ પાર્ટ કાપી નાખ્યું. જ્યારે તેની આંખો અસહ્ય પીડાથી ખુલી ત્યારે તેણે પત્નીના હાથમાં છરી જોઈ. તે ખરાબ રીતે લોહીથી લથપથ હતો. આ દરમિયાન તેણે તેની પત્ની પર પણ હુમલો કર્યો, પરંતુ પોતાની હાલત વધુ ખરાબ થતી જોઈને તે ઘરેથી ભાગી ગયો અને સીધો પોલીસ સ્ટેશન ગયો.
ફુલવારી શરીફ પોલીસ સ્ટેશન પહોંચ્યા પછી, વ્યક્તિએ ઘટના વર્ણવી. પોલીસ સ્ટેશન પહોંચ્યો ત્યાં સુધીમાં તેનું ઘણું લોહી વહી ગયું હતું, તેની હાલત કથળી રહી હતી, જેના કારણે પોલીસે તેને તાત્કાલિક નજીકની હોસ્પિટલમાં સારવાર માટે દાખલ કર્યો હતો. આ કેસમાં આરોપી પત્ની સામે ફરિયાદ નોંધાવવામાં આવી છે. પોલીસે આ મામલે તપાસ શરૂ કરી છે. એવું કહેવામાં આવ્યું છે કે પતિ -પત્ની વચ્ચેના સંબંધો સારા ન હતા. ભૂતકાળમાં પણ બંને વચ્ચે ઝઘડા થયા છે, ત્યારબાદ પંચાયત થઈ અને મામલો શાંત પાડ્યો હતો.
ફુલવારી શરીફના થાણેદાર રફીકુર રહેમાને આ બાબતે માહિતી આપતી વખતે જણાવ્યું હતું કે ઈજાગ્રસ્ત દ્વારા લેખિત અરજી આપવામાં આવી છે, જેમાં પત્નીએ ભોજનમાં ઝેર ભેળવીને પ્રાઈવેટ પાર્ટ પર હુમલો કરવાનો આરોપ લગાવ્યો છે. પોલીસે તેને હોસ્પિટલમાં દાખલ કર્યો છે. તેમની હાલત નાજુક છે. પોલીસ આ મામલાની તપાસ કરી રહી છે
