શ્રી કૃષ્ણનો જન્મ એટલે કે જન્માષ્ટમી (Janmashtami) શ્રાવણ મહિનાના કૃષ્ણ પક્ષની અષ્ટમીએ ઉજવવાની પરંપરા છે. માન્યતા છે કે, ભગવાન કૃષ્ણનો જન્મ ભાદ્રપદ મહિનાના કૃષ્ણ પક્ષની અષ્ટમીના દિવસે રોહિણી નક્ષત્રમાં થયો હતો. પરંતુ દર વર્ષે આ તિથિને લઈને મૂંઝવણ રહે છે અને બે દિવસ જન્માષ્ટમીનો (Janmashtami 2022) ઉત્સવ મનાવવામાં આવે છે. આ વખતે જન્માષ્ટમી ક્યારે આવે છે તે જોઈ લો.
જન્માષ્ટમીની યોગ્ય તારીખ
જન્માષ્ટમી આ વર્ષે બે દિવસ ઉજવવામાં આવશે. 18 ઓગસ્ટે સ્માર્ત સંપ્રદાયના લોકો એટલે કે ગૃહસ્થો મનાવશે અને 19 ઓગસ્ટે વૈષ્ણવ સમાજના લોકો એટલે કે સાધુ-સંતો જન્માષ્ટમી ઉજવશે. અષ્ટમીની તિથિની શરૂઆત 18 ઓગસ્ટે રાતે 9.21 વાગ્યે થશે, જે 19 ઓગસ્ટે 10.59 કલાક સુધી રહેશે.
જન્માષ્ટમી પર બની રહ્યા છે આ શુભ યોગ
આ વર્ષે જન્માષ્ટમી એટલા માટે પણ ખાસ છે કારણ કે, જન્માષ્ટમીના દિવસે વૃદ્ધિ યોગ બન્યો છે. આ સિવાય આ દિવસે અભિજીત મુહૂર્ત પણ રહેશે, જે બપોરે 12.05 મિનિટથી 12.56 મિનિટ સુધીનું રહેશે. જન્માષ્ટમી પર ધ્રુવ યોગ પણ બની રહ્યો છે, જે 18 ઓગસ્ટે 8.41 મિનિટથી રાતના 8.59 મિનિટ સુધી રહેશે. વૃદ્ધિ યોગ 17 ઓગસ્ટ બપોરે 8.56 મિનિટથી શરૂ થશે અને 18 ઓગસ્ટે સવારે 8.41 મિનિટ સુધી રહેશે. માનવામાં આવી રહ્યું છે કે, જન્માષ્ટમી પર વૃદ્ધિ યોગમાં પૂજા કરવાથી તમારા ઘરમાં સુખ-સંપત્તિમાં વૃદ્ધિ થાય છે અને મા લક્ષ્મીનો વાસ થાય છે.
જન્માષ્ટમીની પૂજાવિધિ
જન્માષ્ટમી પર લોગો સાચી શ્રદ્ધા ભાવનાથી વ્રત કરતાં ભગવાન શ્રી કૃષ્ણના જન્મોત્સવની ખુશીઓ મનાવે છે. વ્રતની શરૂઆત અષ્ટમીથી લઈને નવમી પર પારણા સાથે પૂરી થાય છે. વ્રત કરનારે સાતમથી બ્રહ્મચર્યનું પાલન કરવાનું શરૂ કરી દેવું જોઈએ અને તમામ ઈન્દ્રિયોને નિયંત્રણમાં રાખવી જોઈએ. જન્માષ્ટમીના દિવસે સવારે જલ્દી સ્નાન કરીને હાથમાં ગંગાજળ લઈને વ્રત કરવાનો સંકલ્પ લેવો જોઈએ. કેટલાક ઘરમાં જન્માષ્ટમીના દિવસે સુંદર પારણું સમજાવવામાં આવે છે અને સ્તનપાન કરાવતા માતા દેવકીની મૂર્તિની પૂજા કરવામાં આવે છે. જો તમને માતા દેવકીની મૂર્તિ ન મળે તો તમે ગાય અને તેના વાછરડાની મૂર્તિની પૂજા પણ કરી શકો છો. રાતે 12 વાગ્યે ભગવાન કૃષ્ણનો જન્મોત્સવ મનાવવામાં આવે છે અને ભોગ ધરાવવા માટે ફળ અને મેવાની સાથે પંજરી અને પંચામૃત પણ બનાવવામાં આવે છે. રાતે ભગવાનને ભોગ લગાવ્યા બાદ તમે પોતે પણ ફળાહાર કરી શકો છો. જન્માષ્ટમી પર કેટલાક ઘરમાં ભગવાન કૃષ્ણના બાલ રૂપને ઝુલો પણ ઝુલાવવામાં આવે છે.
