શું ‘તારક મહેતા…’શોમાં દયાબેને કરી વાપસી? જૂઓ વીડિયો

BOLLYWOOD

તારક મહેતાના જેઠાલાલનો હાલ એક ફની વીડિયો સોશિયલ મીડિયા પર વાયરલ થઈ રહ્યો છે. આ શૂટ દરમિયાનનો બીટીએસ વીડિયો છે. જે તમને શોના કેટલાક ફની મૂમેન્ટ્સની યાદો તાજી કરશે. આ સાથે જ તમારા દિમાગમાં એક સવાલ પણ આ વીડિયો જોઈને આવી શકે છે.કે શું દયાબેન શોમાં પાછા આવી ગયા..સાચું ને…

વીડિયોએ ફેન્સને કર્યા કન્ફ્યૂઝ

ભલે તારક મહેતા કા ઉલ્ટા ચશ્મામાં દિશા વાકાણી ઉર્ફે દયાબેન લાંબા સમયથી જોવા નથી મળતા પરંતુ હાલમાં જે વીડિયો સામે આવ્યો છે તે સોશિયલ મીડિયા પર ભારે વાયરલ થયો છે તેને જોઈને કેટલાકને આ વીડિયો જૂનો લાગે છે પરંતુ કેટલાક લોકોના મનમાં એવો સવાલ ઉઠી રહ્યો છે કે શું દયાબેનની શોમાં વાપસી થઈ છે? હકીકતમાં જેઠાલાલ અને દયાબેનની કેમેસ્ટ્રી જ શોના પ્રાણ છે. બંને વચ્ચેની શરારતો, પ્રેમ અને ગુસ્સો જોવા માટે ફેન્સ આતુર રહેતા હોય છે.

ફેન્સને આ વીડિયો ખુબ ફની લાગ્યો

વીડિયોમાં જોઈ શકાય છે કે કોઈ જેઠાલાલથી બચવા માટે ઘરની અંદર ભાગી રહ્યું છે અને જેઠાલાલ તેનો પીછો કરવાની કોશિશ કરે છે. તેઓ કહે છે કે એ ઊભી રહે ક્યાં ભાગે છે? ત્યારબાદ બાપુજીનો સીન આવે છે અને તેઓ પણ તૈયારી કરી રહ્યા છે. ફેન્સને આ વીડિયો ખુબ ફની લાગે છે. આ વીડિયો ઈન્સ્ટાગ્રામ પર શેર કરાયો છે. વીડિયો નાનો છે પરંતુ તારક મહેતાના ચાહકો તેની સાથે સારી રીતે રિલેટ થઈ શકે છે કે જ્યારે જેઠાલાલ કોઈની પાછળ આ રીતે ભાગે તો તે દયાબેન જ હોઈ શકે છે. હવે આ વીડિયોની સચ્ચાઈ શું છે, આખરે જેઠાલાલ અને બાપુજી કોની પાછળ ભાગતા જેઠાના રૂમમાં જઈ રહ્યા છે તે તો આગળ જ ખબર પડશે.

શું દયાબેન શોમાં કરશે ફરી એન્ટ્રી?

અત્રે જણાવવાનું કે દિશા વાકાણીએ ઘણા સમયથી શો છોડી દીધો છે. અનેકવાર તેની શોમાં પાછા ફરવાની ખબરો સામે આવતી રહી પરંતુ તે માત્ર અફવા જ સાબિત થઈ. હવે આ વીડિયોએ ફેન્સના મગજમાં સવાલ પેદા કર્યો છે કે શું આખરે દયાબેનની તારક મહેતા કા ઉલ્ટા ચશ્મા શોમાં એન્ટ્રી થવાની છે?

Leave a Reply

Your email address will not be published.