‘રાવણ’ અરવિંદ ત્રિવેદીના નિધનથી આઘાતમાં ‘રામ-લક્ષ્મણ’, ‘સીતા’એ પાઠવી શ્રદ્ધાંજલિ

Uncategorized

રામાનંદ સાગરની ‘રામાયણ’માં ‘રાવણ’નું પાત્ર ભજવનારા વરિષ્ઠ કલાકાર અરવિંદ ત્રિવેદીનું મંગળવારે (5 ઓક્ટોબર) નિધન થયુ હતું. એક્ટરના ભત્રીજા કૌસ્તુભ ત્રિવેદીએ અમારા સહયોગી ઈટાઈમ્સ ટીવી સાથે વાતચીત કરતા જણાવ્યું હતું કે, ‘તેમની સ્થિતિ ઘણા સમયથી સારી નહોતી, પરંતુ મંગળવારે તેમને હાર્ટ અટેક આવ્યો હતો અને તેના લીધે ઘણા ઓર્ગન ફેઈલ થયા હતા’

રામાયણના એક્ટર અરુણ ગોવિલ (રામ), દીપિકા ચિખલિયા (સીતા) અને સુનીલ લહેરીએ (લક્ષ્મણ) સોશિયલ મીડિયા પર એક્ટરને હૃદયસ્પર્શી શ્રદ્ધાંજલિ આપી છે. અરુણ ગોવિલ કે જેમણે ભગવાન શ્રીરામનું પાત્ર ભજવ્યું હતું, તેમણે ટ્વીટમાં લખ્યું છે કે ‘આધ્યાત્મિક રૂપથી રામાવતારનું કારણ અને સાંસારિક રૂપથી એક ખૂબ જ પ્રામાણિક, સરળ સ્વભાવના વ્યક્તિ અને મારા અતિ પ્રિય મિત્ર અરવિંદ ત્રિવેદીજીને આજે માનવ સમાજે ગુમાવી દીધા. તેઓ સીધા પરમધામમાં જશે અને ભગવાન શ્રીરામનું સાનિધ્ય મેળવશે’.

 

View this post on Instagram

 

A post shared by Sunil Lahri (@sunil_lahri)

લક્ષ્મણનું પાત્ર ભજવનારા સુનીલ લહેરીએ દિવંગત એક્ટરની કેટલીક અનસીન તસવીરો શેર કરી છે અને લખ્યું છે ‘આ ખૂબ જ દુખદ સમાચાર છે કે આપણા સૌના પ્રિય અરવિંદ ભાઈ (રામાયણના રાવણ) આપણી વચ્ચે રહ્યા નથી. ભગવાન તેમની આત્માને શાંતિ આપે…હું નિઃશબ્દ છું. મેં પિતા સમાન માર્ગદર્શક અને શુભચિંતકને ગુમાવ્યા છે’

 

View this post on Instagram

 

A post shared by Dipika (@dipikachikhliatopiwala)

 

રામાનંદ સાગરની રામાયણમાં દેવી સીતાનું પાત્ર ભજવનારા દીપિકા ચિખલિયાએ લખ્યું છે ‘તેમના પરિવારને સાંત્વના પાઠવું છું…તેઓ ખૂબ સારા વ્યક્તિ હતા’.

જણાવી દઈએ કે, અરવિંદ ત્રિવેદી મૂળ ઈડરના કુકડિયા ગામના વતની હતા. તેમના મોટાભાઈ ઉપેન્દ્ર ત્રિવેદી ગુજરાતી ફિલ્મોના સુપરસ્ટાર હતા. ‘રાવણ’નો રોલ ભજવીને ખ્યાતિ મેળવનારા અરવિંદ ત્રિવેદી અસલ જીવનમાં પ્રખર રામભક્ત હતા. તેમણે મોરારિ બાપુના હસ્તે પોતાના ઘરમાં ભગવાન શ્રીરામની મૂર્તિની સ્થાપના કરાવી હતી

Leave a Reply

Your email address will not be published. Required fields are marked *