મેં કોરોનાની રસી હમણાં લીધી તો શું હું સમાગમ માણી શકું ?? મને યોગ્ય ઉત્તર આપો

GUJARAT

પ્રશ્ન : શું રોજ સવારે હૂંફાળું પાણી પીવાથી કોઇ ફાયદો થાય છે ખરો? એક યુવતી (સુરત)

ઉત્તર : સવારે હૂંફાળું પાણી પીવાથી ચોક્કસ ફાયદો થાય છે. ગરમ પાણી શરીરને અંદરથી સાફ કરે છે. જો કે સવારે હૂંફાળું પાણી પીવાથી શરીરના બધા ઝેરી તત્ત્વો બહાર નીકળી જાય છે. અને શરીરની સંપૂર્ણ સિસ્ટમ સાફ થઇ જાય છે. સવારના સમયે કે પછી દરેક ભોજન બાદ એક ગ્લાસ હૂંફાળાં પાણીમાં લીંબુ અને મધ મિક્સ કરીને પીવાથી ચરબી ઓછી થાય છે. લીંબુમાં પેકટિન ફાઇબર હોય છે જે વારંવાર ભૂખ લાગતી રોકે છે. જો ગળામાં પીડા કે ટોન્સિલ થઇ ગયા હોય તો હૂંફાળું પાણી પીઓ.

જો તમે હેલ્થ માટે સજાગ છો તો તમારે ખાસ કરીને અત્યારે કોરોના મહામારીમાં ગરમ પાણી પીવાનું રાખવું જોઈએ. તેનાથી શરીરને અનેક ફાયદા થાય છે. ગરમ પાણી અનેક રોગને દૂર કરે છે સાથે તમારું મેટાબોલિઝમ પણ સારું રાખે છે. ગરમ પાણી પાચનક્રિયાને તંદુરસ્ત રાખવામાં પણ મદદ કરે છે. જે લોકોને ગેસની સમસ્યા રહે છે તેઓ જમ્યા પછી નિયમિત એક કપ ગરમ પાણી પીવે તો તેમને ફાયદો થાય છે. આમ કરવાથી પાચનને લગતી સમસ્યા ક્યારેય નથી થતી. ગરમ પાણી પીવું વાળ માટે પણ ખૂબ ફાયદાકારક છે. ખાસ કરીને જે લોકોના વાળ ખરતા રહે છે તેમણે ગરમ પાણી પીવું જ જોઇએ. ગરમ પાણીનું નિયમિત રીતે સેવન કરવાથી વાળ ખરવાનું બંધ થઈ જાય છે અને સાથે સાથે વાળ પર ચમક પણ આવે છે.

પ્રશ્ન : મારી વય 30 વર્ષ છે. હું ફ્રન્ટલાઇન વર્કર હોવાથી મેં હાલમાં જ કોરોનાની રસી લીધી છે. મારે એ જાણવું છે કે શું રસી લીધા પછી જાતીય સંબંધ બાંધવો સલામત છે? એક યુવતી (વડોદરા)

ઉત્તર : કોરોના વાયરસની રસી લીધા પછી શું કરવું અને શું ન કરવું તે અંગે આજકાલ ઘણી વાતો થઈ રહી છે અને રસી લીધા પછી જાતીય સંબંધ બાંધવો કે નહીં એ વિશે જાતજાતની ચર્ચા ચાલી રહી છે આ વિશે આરોગ્ય મંત્રાલય દ્વારા કોઈ માર્ગદર્શિકા જારી કરવામાં આવી નથી, પરંતુ તબીબી નિષ્ણાતો લોકોને તેના પર થોડી સાવચેતી રાખવા સલાહ આપી રહ્યા છે. નિષ્ણાતો સૂચવે છે કે રસીનો બીજો ડોઝ લીધા પછી પુરુષો અને સ્ત્રીઓએ ગર્ભનિરોધકનો ઉપયોગ કરવો જોઈએ અને આ દરમિયાન કુટુંબિક આયોજન ટાળવું જોઈએ.

નિષ્ણાતનું માનવું છે કે રસીનો બીજો ડોઝ લીધા પછી પુરુષો અને સ્ત્રીઓએ ઓછામાં ઓછા 2થી 3 અઠવાડિયા સુધી કોન્ડોમ જેવા ગર્ભનિરોધકનો ઉપયોગ કરવો જોઈએ કારણ છે કે જાતીય સંબંધદરમિયાન બોડી ફ્લૂઇડ્સ એકબીજાનાં સંપર્કમાં આવે છે. એક અભ્યાસ પછી તારણ નીકળ્યું છે કે જેમને રસી અપાય છે તેઓએ 3-6 મહિના સુધી પાર્ટનર સાથે ડાયરેક્ટ જાતીય સંબંધ ટાળવો જોઇએ. આ તારણને હજી સત્તાવાર સમર્થન નથી મળ્યું.

Leave a Reply

Your email address will not be published.