લૉન્ચ થયાના 12 જ દિવસમાં આ ગાડીએ જીત્યું લોકોનું દિલ, બની બેસ્ટસેલર

Uncategorized

ટાટા મોટર્સની નવી માઈક્રો એસયુવી ટાટા પંચને ભારતમાં શાનદાર પ્રતિસાદ મળ્યો છે. આ કારને કંપનીએ 5.49 લાખ રૂપિયાની શરૂઆતની કિંમત સાથે લૉન્ચ કરી હતી. આ કારના એડવેન્ચર ટ્રિમ લેવલની કિંમત 6.39 લાખ રૂપિયા, Accomplished ટ્રિમ લેવલની કિંમત 7.29 લાખ રૂપિયા અને ક્રિએટિવ ટ્રિમ લેવલની કિંમત 8.49 લાખ રૂપિયા છે. લૉન્ચ થઈ તેના 12 દિવસમાં જ આ કાર પંચ કંપનીની સૌથી વધારે વેચાતી કાર બની ગઈ છે. આ કાર કંપનીના પોર્ટફોલિયોમાં સૌથી નાનું સ્પોર્ટ્સ યૂટિલિટી વ્હીકલ છે. આ કારના ટૉપ સ્પેક વેરિયન્ટની કિંમત 9.09 લાખ રૂપિયા છે.

પાવર અને પરફોર્મન્સ

ટાટા પંચ કંપનીના ALFA (Agile Light Flexible Advanced) પ્લેટફોર્મ પર આધારિત છે. આ જ પ્લેટફોર્મ પર ટાટા અલ્ટ્રોઝ પ્રીમિયમ હેચબેક પણ તૈયાર થયેલી છે. આ નવી કારમાં 1.2 લીટરના 3 સિલિન્ડર નેચરલી એસ્પિરેટેડ પેટ્રોલ એન્જિન લગાવામાં આવ્યું છે. જે 85bhp સુધીનો પાવર અને 113 Nm ટોર્ક જનરેટ કરવામાં સક્ષમ છે. ટ્રાન્સમિશન ઓપ્શનની વાત કરીએ તો 5 સ્પીડ મેન્યુઅલ અને AMT સાથે માર્કેટમાં ઉતારવામાં આવી છે.

આ કાર ભલે દેખાવમાં નાની હોય પરંતુ ખૂબ દમદાર છે. કારના રિયર અને ફ્રંટમાં લેટેસ્ટ ડિઝાઈન જોવા મળે છે. આ કારમાં એન્ડ્રોઈડ ઓટો અને એપ્પલ કાર પ્લે સપોર્ટવાળું 7 ઈંચનું લેટેસ્ટ ઈન્ફોટેનમેન્ટ સિસ્ટમ, 7 ઈંચનું ટીએફટી ઈન્સ્ટ્રુમેન્ટ ક્લસ્ટર, iRA કનેક્ટેડ કાર ટેક્નોલોજી, ઓટો હેડલેમ્પ, ઓલ્ટ્રોઝની જ જેમ 90 ડિગ્રી ઓપન થતો દરવાજો, રેન સેન્સિંગ વાઈપર્સ, ક્રૂઝ કંટ્રોલ અને 16 ઈંચ ડાયમંડ કટ અલોય વ્હીલ્ઝ સહિત ઘણાં ખાસ ફીચર્સ છે.

ટાટા પંચ ભારતમાં 5.49 લાખ રૂપિયાની પ્રારંભિક કિંમતે લોન્ચ કરવામાં આવી છે. આ કિંમત Tata Punchના Pure Trim Level વેરિયંટની કિંમત છે. આ કારના એડવેન્ચર ટ્રિમ લેવલ વેરિયન્ટની કિંમત 6.39 લાખ રૂપિયા છે જ્યારે અકમ્પ્લિશ્ડ ટ્રિમ લેવલ વેરિયંટની કિંમત 7.29 લાખ રૂપિયા અને ક્રિએટિવ ટ્રિમ લેવલ વેરિયંટની કિંમત 8.49 લાખ રૂપિયા છે. મેન્યુઅલ ટ્રાન્સમિશન ઓપ્શનવાળા વેરિયંટ્સની પણ આ જ કિંમત છે. જ્યારે એડવેન્ચર, અકમ્પ્લિશ્ડ અને ક્રિએટિવ ટ્રિમના AMT ઓપ્શનની કિંમત મેન્યુઅલ વેરિયન્ટ્સ કરતાં 60 હજાર વધુ છે. ટાટા પંચ ક્રિએટિવ ટ્રિમ લેવલ એએમટીની કિંમત 9.09 લાખ રૂપિયા છે. આ બધી જ પ્રારંભિક કિંમતો છે. જણાવી દઈએ કે, Tata Punch XE, XM, XT, XZ વેરિયન્ટ સાથે લોન્ચ કરવામાં આવી છે. આ કારમાં ઈકો અને સિટી જેવા બે ડ્રાઈવિંગ મોડ્સ પણ આપવામાં આવ્યા છે. સેફ્ટીના મામલે ટાટા પંચને ગ્લોબલ NCAP કાર ક્રેશ સેફ્ટી ટેસ્ટમાં 5 સ્ટાર રેટિંગ મળ્યા છે.

Leave a Reply

Your email address will not be published. Required fields are marked *