ખેડૂતે દીકરીના લગ્ન માટે ભેગા કરેલા 2 લાખ ઓક્સિજન ખરીદવા માટે દાન કરી દીધા

nation

કોરોના મહામારીની બીજી લહેરે ભારતમાં જોરદાર કહેર મચાવ્યો છે. એક તરફ જ્યાં હોસ્પિટલોમાં ઓક્સિજન, આઈસીયુ બેડ, વેન્ટિલેટર, દવા અને સારવારના અભાવે હારી રહ્યા છે ત્યારે કેટલાક લોકો આ મુશ્કેલ સમયમાં માનવતાનો દાખલો બેસાડી રહ્યા છે. આવા જ એક વ્યક્તિ છે મધ્ય પ્રદેશના ચંપાલાલ ગુર્જર, જેમણે તેમની પુત્રીના લગ્ન માટે બે લાખ રૂપિયા ભેગા કર્યા હતા, પરંતુ તેમણે આ રકમ જિલ્લા વહીવટીતંત્રને ઓક્સિજન ખરીદવા માટે દાનમાં આપી દીધી, ખેડૂત પિતાના આ કાર્યની ખૂબ પ્રશંસા થઈ રહી છે.

દાનની રકમથી ઓક્સિજન ખરીદાશે
એક ન્યૂજ એજન્સીના રિપોર્ટ મુજબ મધ્ય પ્રદેશના નીમચ જિલ્લાના ખેડૂત ચંપાલાલ ગુર્જરે પુત્રીના લગ્ન માટે 2 લાખ રૂપિયા ભેગા કર્યા હતા. પરંતુ તેમણે આ રકમ નીમચ જિલ્લા વહીવટી તંત્રને આપી હતી જેથી તેઓ હોસ્પિટલોમાં ઓક્સિજનની અછતથી પીડાતા કોવિડ -19ના દર્દીઓ માટે બે ઓક્સિજન કન્સન્ટ્રેટર મશીનો ખરીદી શકે.

કલેકટરે આ કામની ખૂબ પ્રશંસા કરી
ચંપાલાલે ડીએમ મયંક અગ્રવાલને 2 લાખ રૂપિયાનો ચેક આપ્યો હતો, જેમાંથી બે ઓક્સિજન કોન્સેન્ટર્સ ખરીદવામાં આવશે. જેમાંથી એક જિલ્લા હોસ્પિટલ નીમચ. જ્યારે બીજો જીરન સરકારી દવાખાને આપવામાં આવશે. નીમચ કલેકટર મયંક અગ્રવાલે ખેડૂત ચંપાલાલની પ્રશંસા કરી. તેમણે કહ્યું, જો દરેકના વિચારો આમની જેવા હોય તો નિશ્ચિતરૂપે મોટી મદદ થઈ શકે છે.

લગ્નને યાદગાર બનાવવાની ઇચ્છા હતી
ચંપાલાલે કહ્યું કે, ‘દરેક પિતાની જેમ મારે પણ મારી પુત્રી અનિતાના ધામધૂમથી લગ્ન કરાવાની ઈચ્છા હતી, પરંતુ કોરોના વાયરસ મહામારીને કારણે રવિવારે તે શક્ય નહોતું. આવી સ્થિતિમાં મેં દીકરીના લગ્નને યાદગાર બનાવવા માટે આ નિર્ણય કર્યો. ચંપાલાલની પુત્રી અનિતાએ કહ્યું કે, મારા પિતાએ લીધેલા નિર્ણયથી હું ખુશ છું. મારા લગ્નના જે રૂપિયા ખર્ચ થવાના હતા તેનાથી હવે દર્દીઓનો જીવ બચી જશે.

Leave a Reply

Your email address will not be published.