કામોત્તેજનાને વધારવા-ઘટાડવામાં આ ગ્રહોની હોય છે મુખ્ય ભૂમિકા, અંકુશ મેળવવો સરળ છે

nation

મનુષ્યની જીવનશૈલી પર ગ્રહો અને નક્ષત્રોનો સારો-નરસો પ્રભાવ પડતો રહે છે અને આ પ્રભાવ તેના સામાજિક, પારિવારિક કે કામવાસના પર પણ જોવા મળે છે. દરેક મનુષ્યમાં કામોત્તેજનાનું પ્રમાણ અલગ-અલગ હોય છે અને એનાથી જ મનુષ્ય તેના સમુદાયનો વિકાસ કરે છે. અંકુશમાં રહેલી કામોત્તેજના વાળા વ્યક્તિ હમેશાં સંયમ અને આદર્શ જીવન જીવતા હોય છે, પરંતુ જે વ્યક્તિના કામવવાસના અનિયંત્રિત થઇ જાય છે તેનું જીવન અપમાનજનક અને નિરાશાભર્યું બની જાય છે. આ પાછળનું કારણ ગ્રહો અને નક્ષત્રોનો પ્રભાવ જવાબદાર માનવામાં આવે છે. કારણ કે જ્યોતિષશાસ્ત્ર મુજબ કામવાસના વધારવા કે ઘટાડવામાં કેટલાક ગ્રહોની ભૂમિકા રહેલી છે.

આપણાં જ્યોતિષશાસ્ત્રમાં શુક્ર અને મંગળને શારિરીક સંબંધ અને કામોત્તેજનાને પ્રભાવિત કરનારા ગ્રહો દર્શાવવામાં આવ્યા છે. કુંડળીમાં પ્રતિકૂળ પ્રભાવથી જીવનમાં શારિરીક ક્ષમતાની સાથે અન્ય સમસ્યાઓ પણ આવવા લાગે છે. એથી જ શુક્ર અને મંગળને અનૂકુળ સ્થિતિમાં રાખવાના પ્રયત્ન કરતાં રહેવા જોઇએ. જ્યોતિષશાસ્ત્રમાં તમામ સ્થિતિઓ ગ્રહો અને નક્ષત્રો પર આધાર રાખે છે અને એના માધ્યમથી જ આવનારી સમસ્યાને પારખી શકાય છે.

જ્યોતિષશાસ્ત્રમાં મંગળને ક્રૂર ગ્રહની સંજ્ઞા આપવામાં આવી છે અને તે ઉર્જા, સાહસ, પરાક્રમ, શોર્ય આદિ માટે પણ કારણભૂત માનવામાં આવે છે. કુંડળીમાં મંગળની શુભ સ્થિતિ હોવાથી વ્યક્તિ શક્તિશાળી અને પરાક્રમી બની શકે છે અને ખરાબ સ્થિતિ શારિરીક રીતે નબળો અથવા વધુ પડતો કામુક બનાવી દે છે. આ બંને સ્થિતિ કોઇપણ વ્યક્તિ માટે નુકસાનકારક નીવડી શકે છે.

શુક્ર ગ્રહને પણ એશ્વર્ય, ભૌતિક સુખ-સુવિધા, પ્રેમ અને વૈભવ, કામુક ક્ષમતા, સૌભાગ્ય વગેરે માટે કારણભૂત ગ્રહ માનવામાં આવે છે. શુક્ર જેના કેન્દ્રમાં ત્રિકોણગત હોય છે એ ખૂબ જ આકર્ષક હોય છે. કુંડળીમાં શુક્ર જો શુભ સ્થિતિમાં હોય તો આ તમામ ચીજોનો જીવન પર ખૂબ અસર પડે છે પરંતુ કુંડળી શુક્રની સ્થિતિ ઠીક નથી હોતી ત્યારે જનનાંગોની સમસ્યા સાથે કામુક સમસ્યાઓ પણ પેદા થાય છે. શુક્ર મહિલાઓમાં માસિક ધર્મથી સંબંધિત સમસ્યાઓ માટે કારણભૂત માનવામાં આવે છે.

કુંડળીમાં શુક્ર અને મંગળને યોગ્ય સ્થિતિમાં લાવવા માટે જ્યોતિષશાસ્ત્ર કેટલાક ઉપાયો જણાવે છે. શુક્ર ગ્રહને અનૂકુળ કરવા માટે શુક્ર બીજ મંત્ર ઓમ દ્રાં દ્રીં દ્રૌં સઃ શુક્રાય નમઃનો દર શુક્રવારે 108 વાર જાપ કરવાથી શુક્રની સ્થિતિ મજબૂત બને છે. શુક્રવારના દિવસે સફેદ કે ગુલાબી રંગના કપડા પહેરવા જોઇએ. તમે હારો કે ઓપલ રત્ન પણ ધારણ કરી શકો છો. કુંડળીમાં શુક્રને મજબૂત સ્થિતિમાં લાવવા માટે દરરોજ ભોજનનો એક હિસ્સો સફેદ ગાયને ખવડાવો અને શુક્રથી સંબંધિત વસ્તુઓનું દાન કરો. આ સિવાય છમુખી રુદ્રાક્ષ અને અરંડ મૂળની જડ ધારણ કરી શકાય છે, તેમજ શુક્રવારે ઉપવાસ કરી શકાય છે.

શુક્રને મજબૂત કરવા માટે રાત્રિના સમયે દહીં કે ચોખા જેવી ઠંડી વસ્તુઓનું સેવન ન કરવું જોઇએ. આ સાથે યોગના માધ્યમથી પણ શુક્રને અંકુશમાં લાવી શકાય છે. આ માટે ધનુરાસન, હલાસન, મૂલબંધ અને જાનુશિરાસન કરી શકાય છે.

જ્યોતિષશાસ્ત્રમાં મંગળ ગ્રહને શુભ સ્થિતિમાં લાવવા માટે મંગળવારે હનુમાન ચાલીસા, સુંદરકાંડ, બજરંગ બાણનો પાઠ કરવાની સલાહ છે. સાથે ગાયને લીલો ચારો ખવડાવો અને મીઠી તંદૂરી રોટીનું દાન કરો. મંગળ ગ્રહને અનૂકુળ કરવા માટે લાલ કપડામાં વરિયાળીને બાંધીને બેડરુપમાં મૂકવાથી લાભ થાય છે.

આ સિવાય મંગળ સાથે સંબંધિત વસ્તુઓ જેમ કે, લાલ કપડા, માચિસ, ગોળ, ઘઉં, લાલ મસૂરની દાળ વગેરેનું દાન કરવું જોઇએ. મંગળને યોગ્ય સ્થિતિમાં લાવવા માટે ઓછામાં ઓછા 21 કે 45 મંગળવારના ઉપવાસ પણ કરી શકાય જેમાં મીઠાનો ઉપયોગ ન કરવો જોઇએ આ સાથે બીજ મંત્ર ઓમ ક્રાં ક્રીં ક્રૌં સઃ ભૌમાય નમઃ ની સાત માળા કરવી.

મંગળને ભૂમિપુત્ર માનવામાં આવે છે. જેથી મંગળવારે માટી ના ખોદવી જોઇએ અને વાસણ કે શ્રૃંગારનો સામાન કે સોઇ, ચપ્પુ વગેરે પણ ન ખરીદવા જોઇએ. આમ કરવાથી તેની વિપરીત અસર પડે છે. મંગળને યોગ માધ્યમથી પણ અનૂકુળ કરી શકાય છે જે માટે પદ્માસન, તિતલી આસન, મયૂરાસન અને શીતલીકરણ પ્રાણાયમ કરવું જોઇએ.

Leave a Reply

Your email address will not be published. Required fields are marked *