ગુજરાતના આ વિસ્તારોમાં થંડર સ્ટ્રોમ એક્ટિવિટીની અસર રહેશે

GUJARAT

રાજ્યના દક્ષિણ ગુજરાત અને સૌરાષ્ટ્રમાં થંડર સ્ટ્રોમ એક્ટિવિટીની અસર રહેશે. રાજ્યમાં ફરી એકવાર ગરમીનું પ્રમાણ વધ્યું છે જેમાં આગામી 1-2 દિવસમાં ઘટાડો થવાની સંભાવના વ્યક્ત કરવામાં આવી છે. રાજ્યના કેટલાક ભાગોમાં હળવી થંડર સ્ટ્રોમ એક્ટિવિટી રહેવાની સંભાવના હવામાન વિભાગ દ્વારા વ્યક્ત કરવામાં આવી છે.

બે દિવસ સુધી હળવા થંડર સ્ટ્રોમ એક્ટિવિટી રહેશે
અમદાવાદના હવામાન વિભાગના ડિરેક્ટર ડૉ. મનોરમા મોહંતીએ જણાવ્યું છે કે, આગામી પાંચ દિવસ સુધી ગુજરાતમાં મોટાભાગે હવામાન સૂકું રહેશે. જોકે, આગામી બે દિવસ સુધી ક્યાંક હળવા થંડર સ્ટ્રોમ એક્ટિવિટી રહેશે. દક્ષિણ ગુજરાતના દમણ, વલસાડ, દાદરાનગર હવેલી અને સૌરાષ્ટ્રના અમરેલી, ભાવનગર જેવા વિસ્તારોમાં પણ થંડર સ્ટ્રોમ એક્ટિવિટી રહેવાની સંભાવના છે.

થંડર સ્ટ્રોમ એક્ટિવિટી એટલે શું?
થંડર સ્ટ્રોમ એક્ટિવિટી દરમિયાન વાવાઝોડા જેવો માહોલ બને છે, હવાના દબાણમાં થનારા ફેરફારના લીધે આ સ્થિતિ સર્જાતી હોય છે. ચોમાસાના આગામન પહેલા પશ્ચિમ અને અરબી સમુદ્રથી આવતા પવનોના દબાણના લીધે વાવાઝોડા જેવી સ્થિતિ સર્જાતી હોય છે.

સમુદ્રમાં બનતા વાવાઝોડા કરતા થંડર સ્ટ્રોમની તાકાત ઓછી હોય છે. દરિયામાં ગરમ અને ઠંડી હવાના દબાણના કારણે ચક્રવાત ઉભું થાય છે અને તે લેન્ડફોલ થાય તે જગ્યાએ ભારે પવન સાથે વરસાદ થતો હોય છે.

આવી સ્થિતિમાં દરિયા કાંઠાના વિસ્તારોમાં ક્યાં જ્યાં વાવાઝોડું ટકરાય છે ત્યાં હાઈ ટાઈડ પણ જોવા મળે છે. માટે જ દરિયામાં વાવાઝોડું ઉભું થાય ત્યારે દરિયાકાંઠાના વિસ્તારમાં રહેતા લોકોને એલર્ટ કરવામાં આવે છે.

Leave a Reply

Your email address will not be published.