કોરોના કાળમાં મોંઘવારી સામે આવક ઘટી છે તો કરો આ ઉપાય

DHARMIK

વૈશ્વિક કોરોના મહામારીને લીધે દુનિયાભરના દેશોના અર્થતંત્ર પડી ભાંગ્યા છે. જેનાથી ભારત દેશ પણ બાકાત રહી શક્યો નથી. હાલની પરિસ્થિતિ એવી છે કે, દેશનો સામાન્ય વર્ગ કોરોના વાયરસ અને આર્થિક સંકટ એમ બંને દુશ્મનો સામે ઝઝૂમી રહ્યો છે. મોંઘવારી વધવાની સામે આવકમાં વધારો નથી થયો, પરંતુ ઘટાડો જરુર થયો હશે. આ સંઘર્ષનો તોડ જ્યોતિષ શાસ્ત્રના કેટલાક ઉપાય આપી શકે છે. જેનાથી સામાન્ય જીવન તો પાછુ મળી શકે છે એની સાથે દેવી દેવતાઓના આશીર્વાદ પણ મળી શકે છે. આ માટે જ્યોતિષ શાસ્ત્ર મુજબ ઘરમાં કેટલાક ફેરફાર કરવાના રહેશે, જે આર્થિક સ્થિતિને મજબૂત બનાવવામાં ઉપયોગી નીવડશે.

વાસ્તુ શાસ્ત્ર મુજબ ઉત્તર દિશાને કુબેર દેવની દિશા માનવામાં આવે છે. આ દિશામાં મંદિર કે તિજોરી રાખવી શુભ માનવામાં આવે છે અને ધન આગમન માટે ઉત્તર દિશાને હમેશાં ખાલી રાખવી જોઇએ. મોટાભાગના ઘરોમાં જોવા મળે છે કે, ગમે તે સામાન કોઇ પણ દિશામાં ગોઠવી દેવાય છે, જે શાસ્ત્ર મુજબ ખોટુ છે. ઉત્તર દિશામાં કોઇપણ ભારે સામાન મુકવાથી તંગીનો સામનો કરવો પડે છે. આ માટે આ દિશાને હમેશાં ખાલી રાખવી જેથી ધનનું આગમન થતું રહે.

ઉત્તર દિશામાં કુબેર દેવની મૂર્તિ કે તસવીર રાખવી પણ શુભ માનવામાં આવે છે. આ સાથે ઉત્તર દિશામાં મની પ્લાન્ટ પણ લગાવી શકાય છે. શાસ્ત્રમાં ઉત્તર દિશા એટલે ધન આગમન અને સકારાત્મક શક્તિનો ભંડાર માનવામાં આવે છે.

દર મહિનાની આવકમાંથી થોડા પૈસા, એક રુપિયો પણ ચાલશે. સૌથી પહેલા ભગવાનને પ્રસાદ કરી તેમનો આશીર્વાદ લો. સાથે સાથે પોતાની મનની સમસ્યાઓ વિશે ભગવાનને જાણ કરો. આમ કરવાથી દેવી દેવતાઓનો આશીર્વાદ તો પ્રાપ્ત થશે જ પરંતુ એની સાથે આવક વધારવાના નવા રસ્તા અને લાભ યોગ બનતો જશે.

આજકાલના આધુનિક યુગમાં સમયની કટોકટીને લીધે ઘણા ઘરોમાં જોવા મળે છે કે રાત્રિના ભોજન બાદ એઠા વાસણો સવાર માટે છોડી દેવામાં આવે છે. આવુ ન કરી તેને તરત સાફ કરવા જોઇએ. આ પ્રકારની વૃતિ ખરાબ માનવામાં આવે છે. શાસ્ત્ર મુજબ રાતે એઠા વાસણ મુકી રાખવાથી ઘર પર રાહુ-કેતુનો ખરાબ પ્રભાવ પડે છે અને ધીમે ધીમે કંગાળ સ્થિતિનો સામનો કરવો પડે છે. શાસ્ત્ર મુજબ રાતે વાસણો સાફ કરી મુકવાથી ઘરમાં સકારાત્મક શક્તિનો પ્રભાવ રહે છે જેની મદદ કાર્યસિદ્ધમાં મળે છે.

ઘણીવાર માહિતીના અભાવે એવી ભૂલો થઇ જાય છે જેનાથી ધન અને સુખ મો ફરેવી લે છે. આવુ ન બને એ માટે ક્યારે પણ પોતાની પાસે ફાટેલુ પર્સ ન રાખવું. એ અશુભ માનવામાં આવે છે. જો તમે આ પ્રકારનું પર્સ કે વોલેટ ઉપયોગ કરી રહ્યા છો તો તેન જલ્દીથી બદલી લો. આ સિવાય ઘણા લોકો પર્સ કે વોલેટમાં જુના બિલ, ફાટેલાં કાગળિયા અને બિન જરુરી કાગળ સાચવી રાખે છે, જે અશુભ માનવામાં આવે છે. પર્સ કે વોલેટને લક્ષ્મીનું સ્થાન માનવામાં આવે છે. આથી તેને સ્વસ્છ કરતાં રહેવુ જોઇએ.

Leave a Reply

Your email address will not be published. Required fields are marked *