આ વર્ષે મેઘરાજા મન મૂકીને વરસશે, જાણો ગ્રહમાન શું કહે છે?

GUJARAT

કાળઝાળ ગરમી વચ્ચે લોકોના મનમાં સવાલો ઉઠી રહ્યા છે કે ક્યારે હવામાનમાં પલટો આવશે, ક્યારે વાદળછાયું વાતાવરણ થશે અને ક્યારે વરસાદ પડશે. ત્યારે જ્યોતિષાચાર્ય સચિન મલ્હોત્રા લાવ્યા છે તમારા આ પ્રશ્નોના જવાબ. તેઓ કહે છે કે મેદિની જ્યોતિષમાં ગુરુ, શુક્ર, ચંદ્ર અને બુધને જળચર ગ્રહો માનવામાં આવે છે. જો આ શુભ ગ્રહ વરસાદની ઋતુ દરમિયાન અથવા તે પહેલાં સૂર્યની આગળ કે પાછળ હોય અને કોઈ અશુભ ગ્રહો (શનિ, મંગળ, રાહુ અને કેતુ) સૂર્યની આગળ ગોચર ન કરતા હોય, તો વરસાદ સમયસર અથવા સમય પહેલાં થઈ શકે છે.

ભારતમાં દક્ષિણપશ્ચિમ ચોમાસું સામાન્ય રીતે 1 જૂન સુધીમાં કેરળમાં પહોંચે છ, 10 જૂન સુધીમાં સમગ્ર દક્ષિણ ભારતને ભીંજવે છે, 15 જૂન સુધીમાં મુંબઈ, રાયપુર અને પટના અને લગભગ 1 જુલાઈ સુધીમાં દિલ્હી અને 15 જુલાઈ સુધીમાં સમગ્ર ભારતને ચોમાસાના વરસાદથી તરબતર કરી દે છે. આ ચોમાસાના વરસાદનો સમયગાળો હવામાન વિભાગની લાંબા ગાળાની સરેરાશ પર આધારિત છે. પરંતુ દર વર્ષે ચોમાસું આ સામાન્ય તારીખો સુધી પહોંચતું નથી, કારણ કે વિવિધ વર્ષોમાં બદલાતી ગ્રહોની સ્થિતિ અને અન્ય હવામાન પરિબળો વરસાદના સમયને આગળ કે પાછળ ધકેલે છે. આ વર્ષની જ્યોતિષીય ગણતરીઓ ચોમાસાના વહેલા આગમનની અને સામાન્ય કરતાં વધુ વરસાદની શક્યતા દર્શાવી રહી છે.

સૂર્યની ચાલ સમય પહેલા ચોમાસાના આગમનનો સંકેત આપી રહી છે

આ વર્ષે વૈશાખ અને જ્યેષ્ઠ મહિનામાં સૂર્યથી આગામી રાશિમાં કોઈ અશુભ ગ્રહનું ગોચર નથી, જે ચોમાસાના તેના નિર્ધારિત સમય પહેલા આગમન માટે સારો જ્યોતિષીય યોગ છે.15 મેના રોજ સૂર્યના વૃષભ રાશિમાં પ્રવેસ સાથે બુધ સાથે યુતી થશે અને સૂર્યની પાછળ મેષમાં રાહુ તેમજ મીન રાશિમાં શુક્ર અને ગુરુની યુતી કેરળમાં ચોમાસાના 1 જૂનના તેના નિર્ધારિત સમય કરતાં થોડો સમય પહેલાં આગમનનો સંકેત આપી રહ્યો છે. તે જ રીતે મંગળ પણ 17 મેના રોજ મીન રાશિમાં ગોચર થશે. અહીં તે જળ તત્વના ગ્રહ ગુરુ સાથે યુતી બનાવશે. મંગળ 45 દિવસ સુધી મીન રાશિમાં ગોચર કરશે, આ સમય દરમિયાન ચોમાસું મુંબઈ (10 જૂન), રાયપુર અને પટના (15 જૂન) અને દિલ્હી (1 જુલાઈ) તેના નિર્ધારિત સમય કરતાં થોડું વહેલું પહોંચવાની શક્યતા છે.

ચોમાસાની કુંડળી ભારે વરસાદના સંકેત આપી રહી છે

સૂર્યના મિથુન રાશિમાં આર્દ્રા નક્ષત્રમાં પ્રવેશના સમયે બનેલી કુંડળી પરથી ચોમાસાના સમયગાળામાં (જૂનથી સપ્ટેમ્બર) વરસાદ કેટલો પડશે તેની ગણતરી કરવામાં આવે છે. સૂર્ય આદ્રા નક્ષત્રમાં 22 જૂનના દિવસે સવારે 11 વાગીને 44 મિનિટે પ્રવેશ કરશે ત્યારે બુધવાર, કૃષ્ણ નવમી તિથિ, રેવતી નક્ષત્ર અને શોભન નામનો યોગ રચાય છે. સિંહ લગ્નની કુંડળીમાં ચંદ્ર મીન રાશિમાં ગુરુ અને મંગળ આઠમા ભાવમાં (વિનાશ) યુતિ કરશે જેના કારણે અસાધારણ વરસાદથી નુકસાનની યોગ બની રહ્યો છે. આર્દ્રા નક્ષત્રમાં પ્રવેશ સમયે સૂર્ય પર મંગળની દૃષ્ટિ પડતાં ઉત્તર ભારતમાં જૂન મહિનામાં સામાન્ય કરતાં વધુ ગરમીનો યોગ છે.બાદમાં 16 જુલાઈએ કર્ક રાશિમાં પ્રવેશના સમયે સૂર્ય પર મંગળ અને શનિની દ્રષ્ટી રહેશે. જેના કારણે ભારે વરસાદથી જાનમાલના નુકસાનના યોગ બની રહ્યા છે. આ વર્ષે 15મી જુલાઈથી 30મી ઓગસ્ટ સુધી ગંગા, યમુના, ગંડકી વગેરે નદીઓના કારણે દેશના મોટા વિસ્તારોમાં પૂરનો ભય રહેશે.

Leave a Reply

Your email address will not be published.