300 રૂપિયાનો શેર જોતજોતામાં 10,000ને પાર કરી ગયોઃ વ્હીકલ કંપનીના રોકાણકારો માથે રૂપિયાનો વરસાદ

GUJARAT nation

કોઈ કંપની પર એક પણ રૂપિયાનું દેવું ન હોય અને તેનો નફો સતત વધતો જતો હોય તો તેના શેર પર કેવી અસર પડશે? સ્વભાવિક રીતે જ આવી કંપનીનો શેર મલ્ટિબેગર સાબિત થશે અને રોકાણકારોને તગડું વળતર આપતો રહેશે. આવી જ એક કંપની ZF Commercial Vehicle Control Systems India છે જેના શેરનો ભાવ એક સમયે માત્ર 300 રૂપિયાની આસપાસ ચાલતો હતો અને હવે રૂ. 10,170 પર પહોંચી ગયો છે. આ શેરમાં કોઈએ રૂ. એક લાખનું રોકાણ કર્યું હોય તો આજે તેની કિંમત વધીને 34 લાખને પાર કરી ગઈ હોય.

ZF Commercial Vehicle Control Systemsનો શેર શુક્રવારે 1.54 ટકા વધીને ₹10,170 થયો હતો.

આ એક મિડકેપ કંપની છે જેની માર્કેટ કેપિટલ ₹19,094.38 કરોડની છે. તે કન્ઝ્યુમર ડિસ્ક્રીશનરી ઈન્ડસ્ટ્રીની કંપની છે અને ઈન્ડસ્ટ્રીયલ ટેકનોલોજી, કોમર્શિયલ વ્હીકલ્સ અને પેસેન્જર વ્હીકલ્સ માટે સોલ્યુશન ઓફર કરે છે. ZF Commercial Vehicle દ્વારા વ્હીકલ મોશન કન્ટ્રોલ, ઈન્ટીગ્રેટેડ સેફ્ટી, ઓટોમેટેડ ડ્રાઇવિંગ અને ઇલેક્ટ્રિક મોબિલિટી માટે પ્રોડક્ટ અને સોફ્ટવેર સોલ્યુશન આપવામાં આવે છે. આ સ્ટોક 14 વર્ષની અંદર 300 રૂપિયાથી વધીને રૂ. 10,000ની સપાટીને પાર કરી ગયો છે. ઓક્ટોબર 2008માં શેરનો ભાવ 300ની આસપાસ હતો. અત્યાર સુધીમાં આ સ્ટોકમાં રોકાણકારોને 3297 ટકાનું જંગી વળતર મળ્યું છે.

ZF Commercialનો દેખાવ
છેલ્લા પાંચ વર્ષમાં ZF કોમર્શિયલ વ્હીકલ કન્ટ્રોલ સિસ્ટમનો શેર 66.57 ટકા કરતા વધારે વધ્યો છે જ્યારે છેલ્લા એક વર્ષમાં તેમાં 39.15 ટકાનો વધારો થયો છે. આ કંપનીમાં યર-ટુ-ડેટ વળતર જોવામાં આવે તો જાન્યુઆરીથી અત્યાર સુધીમાં તેમાં 21.13 ટકાનો વધારો થયો છે. એનએસઈ પર 8 સપ્ટેમ્બરે આ સ્ટોકે 10,222ની બાવન અઠવાડિયાની ટોચ બનાવી હતી જ્યારે 20 જૂન 2022ના રોજ તેમાં બાવન અઠવાડિયાની નીચી સપાટી રૂ. 6876 જોવા મળી હતી. બાવન સપ્તાહની હાઈની તુલનામાં આ શેર હજુ 47 ટકા જેટલો ઉપર ચાલે છે. આ સ્ટોક 5 દિવસ, 10 દિવસ, 20 દિવસ, 50 દિવસ, 100 દિવસ અને 200 દિવસની મુવિંગ એવરેજથી ઉપર ટ્રેડ થાય છે.

બ્રોકિંગ કંપની ICICI સિક્યોરિટીઝ મુજબ છેલ્લા પાંચ વર્ષમાં આ શેર નિફ્ટી ઓટો ઈન્ડેક્સ કરતા સારો દેખાવ કરી રહ્યો છે. આ શેરને ICICI દ્વારા બાય રેટિંગ આપવામાં આવ્યું છે અને કોમર્શિયલ વ્હીકલ માર્કેટની તેજીથી તે મુખ્ય લાભાર્થી બનશે તેમ માનવામાં આવે છે. આ ઉપરાંત ઇલેક્ટ્રિકલ વ્હીકલની વધતી ડિમાન્ડના કારણે ZF Commercial માટે રૂ. 10,530નો ટાર્ગેટ ભાવ આપવામાં આવે છે.

Leave a Reply

Your email address will not be published.